|
A Casa da Xuventude de Chantada, dependente da Xunta de Galicia, é un Centro público e gratuíto que tenta cubrir e dinamizar as necesidades informativas, recreativas, lúdicas e participativas da xente nova, ó tempo que serve como punto de encontro para o intercambio, enriquecemento e debate de experiencias da xuventude.
Para satisfacer estas necesidades da xente nova a Casa da Xuventude conta cunha infraestrutura axeitada para a realización de actividades de tempo libre e tamén para cubrir algunhas das súas necesidades formativas. Así, conta cos seguintes servizos:
Oficina de Información Xuvenil.
Servizo de Acceso gratuíto a Internet.
Sala de xogos.
Sala de vídeo.
Laboratorio fotográfico.
Pequena biblioteca e hemeroteca
Todo isto
pretende dar resposta ás necesidades presentadas con máis frecuencia pola mocidade.
Pero a Casa da Xuventude tamén é un centro de convivencia, intercambio e participación, e como tal tenta fomentar as relacións sociais da mocidade a través de proxeccións en vídeo, debates, charlas-coloquio, ou mesmo a través de xogos de grupo, co fin de fomentala socialización dos máis novos e ofrecerlles alternativas de ocio para o seu tempo libre.
|
