|
Casona de Lemos |
 |
|
Outra vista da actual Casa Cultura |
Estamos diante da casa máis antiga de Chantada. Típica edificación do século XVI (está datada no ano 1551) conserva algunha parte do século XV. Orixinariamente era unha corte de cabalos á que se lle foron engadindo con posterioridade diversas estancias. Esta casa foi motivo de diversos pleitos chegando a intervir a Marquesa de Astorga cunha carta-orde. En dúas das súas frontes leva soportais con cuberta de madeira e columnas de diversas formas e épocas. Ten unha gran cheminea saínte e o trazado e a distribución das súas fiestras é moi interesante. No muro occidental conserva unha pedra de armas partida que se cre anterior ó ano 1668; correspondería a don Pedro de Moure Ulloa, párroco da igrexa de Chantada.Antes da súa remodelación era propiedade de Don Faustino Vilaseco que xunto coa súa muller donárona para Casa da Cultura do Concello. A restauración foi obra do arquitecto Manuel Gallego Jorreto e inaugurouse como Casa da Cultura o 19 de outubro de 1990.
Na actualidade esta casa posúe tres salas interiores, unha ampla entrada cun corredor que se emprega para Sala de e Exposicións. A planta baixa está adicada á Oficina de Turismo, á Oficina Municipal de Información ó Consumidor, á Oficina de Información Xuvenil e ó Servizo de Normalización Lingüística. En canto ás salas interiores están totalmente ocupadas pola Biblioteca Pública Municipal, que dende a posta en funcionamento desta Casa trasladou as súas dependencias para aquí.
|
:: ENDEREZO ::
Praza do Mercado s/n
cultura@concellodechantada.org
982 44 17 52
:: HORARIO ::
OFICINA DE TURISMO, CASA DA CULTURA
LUNS A VENRES
9:00 a 15:00
SÁBADOS, DOMINGOS E FESTIVOS
10:00 a 14:00
|
|
|
