CONCELLO DE CHANTADA :: WEB OFICIAL :: Turismo : Que facer : Rutas de Sendeirismo

Sistema de Información Xeográfica de Parcelas Agrícolas

.: Turismo : Que Facer : Rutas de Sendeirismo

RUTAS DE SENDEIRISMO

Ruta dos Viñedos de Belesar (PR-G 183)

Esta ruta parte da aldea de Belesar e percorre a beira do río Miño. Trátase dun percorrido sinxelo, con moi pouca pendente, no que se alternan zonas de viñedos con bosques de castiñeiros e de carballos.

Recomendacións:
Durante a época da vendima o traballo nos viñedos dálle un encanto especial ao percorrido.
Un ou dous meses máis tarde, co outono, o colorido das viñas e das follas das árbores crean unha estampa única.

Homologada: Si
Lonxitude: 4,6 KM
Inicio: Belesar
Final: A Veiga
Dificultade: Media
Duración: 2 horas

Servizos:
Servizos de hostalaría en Belesar.
Aloxamento e Centro de Saúde en Chantada.

Bicicleta: Si

Acceso:
Belesar:
Desde Chantada tomar a LU-533 cara a Monforte. Desviarse tras cruzar a ponte sobre o río Miño en dirección Belesar. O carreiro comeza á beira da ponte de Belesar.

Ruta:
Belesar, O Pousadoiro, Pincelo, O Muiñovedro, A Veiga

Sinalización:
Aínda que dispón de varios paneis informativos e algúns sinais, non é suficiente para completar o percorrido. É recomendable levar plano ou un gps.

Puntos de Interese:
Belesar, viticultura heroica.

Enlace Wikiloc:
es.wikiloc.com/wikiloc/view.do?id=11293432

Descargas:
Folleto en pdf »

Ruta de Santa María de Pesqueiras

Este pequeno percorrido discorre por varias pistas de terra cubertas de carballos e castiñeiros.
O camiño lévanos até unha xoia como a igrexa románica de Santa María de Pesqueiras, escondida entre os castiñeiros, e á que só se pode acceder por esta ruta.
Ademais desta igrexa, poderemos gozar de boas vistas sobre o Canón do Río Miño e atravesaremos varias zonas de viñedos.

Homologada: Non
Lonxitude: 3 KM
Inicio: Igrexa de Santa María de Pesqueiras
Final: Igrexa de Santa María de Pesqueiras
Dificultade: Baixa
Duración: 0,75 horas
Bicicleta: Si

Servizos:
Aloxamento, restauración e Centro de Saúde en Chantada.

Acceso:
Desde o encoro de Belesar, subir cara A Eirexe e a uns 800 m. atopardes un cartel a Santa María de Pesqueiras.

Ruta:
Discorre a través da parroquia de Pesqueiras.

Sinalización:
A ruta carece completamente de sinalización, aínda que se trata dun percorrido moi sinxelo. É necesario levar plano ou un gps.

Puntos de Interese:
Igrexa de Santa María de Pesqueiras,
Castiñeiros centenarios, viticultura heroica

Enlace Wikiloc:
es.wikiloc.com/wikiloc/view.do?id=11441323