Na actualidade, o viño en Chantada é nun importante motor para a dinamización económica do concello. A súa produción, expandida por moitos lugares do mundo, fan dos viños da zona unha das principias sectores produtivos de Chantada.

A Denominación de Orixe Ribeira Sacra, foi aprobada en 1995. O Consello Regulador divide a Ribeira Sacra en cinco subzonas: Amandi, Ribeiras do Miño, Quiroga-Bibei, Chantada e Ribeiras do Sil. A de Chantada aglutina no seu a un total de dez parroquias: Pedrafita, Pesqueiras, San Fiz, Belesar, San Pedro, Camporramiro, Santiago da Riba, A Sariña, Nogueira e Sabadelle.

ampliar [+]		versión imprimible (pdf)

A Ruta do Viño da Ribeira Sacra é principalmente viño: as ribeiras, as adegas, a vendima, os viticultores, os depósitos, as trasfegas, as cubas. Pero a partir do viño hai todo un mundo esperando ser descuberto.

Coñecerás aldeas perdidas no tempo, pequenas adegas cheas de encanto e adegas, máis grandes, coa última tecnoloxía en vinificación. Catarás viños auténticos elaborados con toda a atención do adegueiro e viños experimentais que supoñen un reto para o elaborador. Pasarás noites en aloxamentos incribles. Comerás en restaurantes onde, aínda que non o creas, non cociñan nin a túa nai nin a túa avoa e outros nos que a innovación tamén é unha opción na carta. Asucarás ríos baixo o voo das aguias. Darás paseos entre as néboas de primeira hora que deixan residuos de maxia nas augas a media mañá. Deixaraste guiar polo son dos paxaros e confirmarás que esta ribeira ten algo de sacra.